Kölsche Bütt

Kölsche Bütt

Marie hätt keine Fastnachts- Sinn,
drüm schleischt se kalsch zum Pitter hin:
„Loss uns doch no Mallorca jonn
und do schön ruhig am Strande stonn.“
Als se am Strande janz ruhisch sitze,
kütt de Diräktor anzuflitze.
He säht: „Sie sin e Jung us Kölle,
mir han jetzt he de Fall der Fälle.
Dä Sascha hät et an de Niere,
könn Sie de Party moderiere
an Rosemondaach, also morje?
Dat nähme mer doch sehr viel Sorje.
Dann künnte se he frei launchieren
un ochens avends frei dinieren.“.
Dö säht de Pitter zum Marie:
Jo luejens, he die bruche mi.
Do maach ich met, dat is doch kloar!
- Jenauso wie em letzte Joar…

„Jo, wenn et Trömmelsche jeht,
dann stonn mer all parat
un mer trecke dursch de Stadt
un jeder hätt jesaaht:
Kölle Alaaf, Alaaf,
Kölle Alaaf!“ *


Em nächste Joar blevt mer zu Hus
un dat Marie is voll Verdruss.
Da säht dat Radio, Möbel Kallmann
böt Möbel für ne jute Preis an,
wenn de am Rosenmondaag küss,
weshalv mer hinjejenage is.
Um halve drei am Nammidaach,
de Pitter fühlt sisch schon escht schwach,
jefalle will em nämlisch nix
( dat sin de Männer ihre Tricks),
schallt es per Lautsprescher em Lade,
„Jeehrte Kunde, et is schade,
si sin de einzje Kunde hück
drum jonnse bitte reischlich flück.
Se krieje och en Jutschein met
für zehn Prozent opp’s Boxspringbett,
wo se seit drei Stund jetz schon lieje
nur dat se he de Zeit römkrieje.
Lev Lückscher, jetz is et jenuch,
mer wolle alle noch zum Zuch!“.

„Jo, wenn et Trömmelsche jeht,
dann stonn mer all parat
un mer trecke dursch de Stadt
un jeder hätt jesaaht:
Kölle Alaaf, Alaaf,
Kölle Alaaf!“ *



Am Moondach, an dem Tach der Tache,
stellt sisch mansch Jecken hück die Frache,
kütt enne Sturm, ach kütt he nit,
dat nimmt der Pitter ernsthaft mit.
Dä Zuch weht noch nit awjesaht
Doch keiner weiß was, den man fraacht.
Un wat weht nun am Taach jemaacht?
Keine Kamelle, nix zu Drinke,
kein Äpstesupp un nix zu winke.
Doch de Marie weiß fraulisch nett
wie immer Rat: "Mer jonn ins Bett!“.
Do schlofe se nun zwei, drei Stund,
op einmol bellt wie jeck dä Hung
un Pitter denkt: „Dä ärme Nuss,
dä möht jetzt in de Sturm errus.“.
Doch war kein Sturm, et Sönnsche lacht
als Pitter dä Rollad opmacht.
Um Düsseldorf woar awjesaacht
Najo, wat Düsseldorf schon maacht.
De Kölsche sin doch selten bange
„Et hätt noch immer jut jejange.“.

De Pitter rennt su wie er iss,
errus und dat Köstüm het Biss.
Jetzt weißte wie ne Kölsche tickt,
Dä Düsseldorfer saaht: „Verrückt!“.
Dat kölsche Hätz schläscht infach sehr
für unsre jecke Fasteleer.


„Jo, wenn et Trömmelsche jeht,
dann stonn mer all parat
un mer trecke dursch de Stadt
un jeder hätt jesaaht:
Kölle Alaaf, Alaaf,
Kölle Alaaf!“ *





* Wenn et Trömmelsche jeht- Refrain aus gleichnamigen Lied von „de Räuber“.