Nå gang i hald alloa
Nå gang i hald alloa
- a schwäbischs Sonettle rasant fir mei Schätzle -
Du håsch mr geshdig d’Zeit gschdohla
On i i hao mi subbr gfühlt
I däd se heit gern wiedrhola
Mei Herzla ischd räachd uffgwühlt
Etz guck me ed so narred å
I hao Dr doch no gar nix do
An Dir ischd doch no ällas drå
D’Auga Mond ond sowieso
So oba onda driebr rom
Isch ällas grad on gar nix grom
Ond herrlich woich am rächda Blatz
Etz guck ed grandig sei mr guad
Sunschd gang i fort on nemm dr Huad
Nå gang i hald alloa mein Schatz
__________________
Dichtung zu vielen Gelegenheiten -
mit einem leichtem Anflug von melancholischer Ironie gewürzt
Alle Beiträge (c) Walther
Abdruck von Werken ist erwünscht, bedarf jedoch der vorherigen Zustimmung und der Nennung von Autor und Urheberrechtsvorbehalt
|