Hessischer Hund
Hessischer Hund
Isch geh da in mein Gadde rin
Was seh isch da? De Rintintin!
Der Sauhund hebt sei Hinnerbein,
des deff doch einfach wahr nett sein!
Isch krisch en hinne am Schlawickel,
der zabbelt wie e Wildkanickel!
Isch krisch en vonne an de Ohrn,
was hat der Kell da bloß verlorn?
Isch saach zu ihm: Schlawiner du!
Du machst dahin, glabst isch guck zu?
Da hastde disch awwer geschnidde,
willste pisse, gehste nach dribbe
uff deim Herrsche sei Rabatte!
Mecht das Viesch ein uff Debatte!
Leischt hessisch sescht der Hund zu mir:
Mei Stammrevier is hier bei dir!
Sei froh, dass isch hier scheiß und piss,
halt lieber net so e Geschiss!
Isch saach dir eins, des is gewiss,
Gemies wächst besser mit Beschiss!
|